البدايه .....

السلام عليكم ...
اولا احب اعرفكم بنفسى ...
انا محمد ..او فوكس ...
طبعا انا عارف ان مفيش حد هيقرا الكلام دا اللى انا بكتبه دلوقتى ...
بس على الاقل فى امل ممكن حد يقراه فى المستقبل ....
هحكيلكم حياتى من البدايه ...خصوصا حكايه البلوج دى ..
انا كان نفسى من زمان اعمل بلوج ..و يبقى ليها زوار كتير و مشهوره ..
بس كنت دايما اقعد افكر ...هكتب فيها ايه
سألت ناس كتير ... و اخيرا استقريت على رأى ..."حاجه تكون بتعرف تعملها او يكون عندك معلومات عنها"
بس انا طوول حياتى فى الكمبيوتر ...يعنى معنديش خبرات كتير ...اغلب خبراتى اللى اكتسبتها  كانت برده من خلال الكمبيوتر ...
و اخيرا جاتنى الفكره ...
الفكره ببساطه هى تأريخ علوم الحاسب الألى (الكمبيوتر)...
يعنى تاريخ فكره الكمبيوتر
و اول كمبيوتر اتعمل و تاريخ تطور الكمبيوتر
و تاريخ تطور المعالجات و لغات البرمجه و انظمه التشغبل و ملحقات الكمبيوترو الشركات المشهوره اللى غيرت كتير فى الكمبيوتر ..الخ


يعنى هحاول اتكلم عن كل حاجه فى موجز و تفصيل على قد ما اقدر...


طيب البلوج دى معموله لمين؟؟؟


البلوج دى معلومه للطلبه فى المدارس و الجامعات اللى بتدرس اى علم من علوم الكمبيوتر ..
معموله للناس اللى بتحب تاريخ الكمبيوتر ..
معموله للناس اللى بتدور على ابحاث تخص الكمبيوتر فى اى مجال من مجالاته ..


طيب هى دى كل الحكايه؟؟؟


لا طبعا حكايه الكمبيوتر لسه هتبتدى معايا ....